من مثلى الاعلى

يا شعبي حبيبي

يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جـابر خواطر يا ســاكن مقابر وصابر وعـال

يا واكل سمومك يا بايع هدومك يا حامل همومك و شـايل جبـــال

يا شعبي اللــي نايم وسارح وهايم وفي الفقر عايم وحاله دا حــال

أحبك محشش مفرفش مطنش ودايخ مدروخ وآخر انسطال

أحبـك مكبـر دماغــك مخــدر ممشـّي امورك كدة باتكــال

وأحب اللي ينصب وأحب اللي يكذب وأحب اللي ينهب ويسرق تلال

وأحب اللي شايف وعارف وخايف وبــالع لســانه وكاتم ما قال

وأحب اللي قافل عيــــونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس واحب اللي بائس و احب اللي محبط وشايف محال

واحبك تســـافر وتبعد تهاجــر وتبعت فلوسك دولار أو ريال

واحبك تطبـّل تهـلل تهبـّـل عشان ماتش كورة وفيلم ومقال

واحبـك تأيــّد تعضّـد تمجّــد توافق تنافق وتلحس نعال

تحضّر نشـادر تجـمّع كوادر تلمـّع تقمـّع تظبـّط مجـال

لكن لـو تفكـّر تخـطط تقـرر تشغللي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها هاجيبك.. لايمكن أسيبك وراح تبقى عبرة وتصبح مثال

هابهدل جنابك وأذل اللي جابك وهيكون عذابك دا فوق الاحتمال

وامرمط سعادتك واهزأ سيادتك واخللي كرامتك في حالة هزال

وتلبس قضية وتصبح رزية وباقي حياتك تعيش في انعزال

هتقبل ها حبك.. هترفض هلبـّك هتطلع هتنزل هاجيبلك جمال

ايه الجمال دة
ههههههههههه

ههههههههههههههههههههههه
انا معرفهاش شكلها كدة عوزة تودينا وري الشمس
ربنا يستر
بس حلوة يا انوش علقة تفوت ولا حد يموت

ايه يا ماندو هو انا اتكلمت ولا جبت سيرت حد
ده من مثلى الاعلى وبس
حد عارف مين هو بقى مثلى الاعلى

ههههههههههههههههههههههههه
ان شاء الله متجمعين فى سجن ابو غريب الدولى

انوش شكلك بتحبي العزله والمكان المتاح فيه هذه العزله المعتقلات خدى بالك من نفسك
هههههههههههههه

ماتخفيش عليا يا نور يا قمر
مش هروح لوحدى كل الحبايب هيجوا معايا
منوره المنتدى والتوبيك يا عسوله

يا اهلا بيك يا جيمى
بلدك و بلد ابوك و اخوك
مبارك عليكى يا بلد

توبيك حلو يا انوش
هههههههههههههههه
هبلغ عنكم

شكلنا كدا مش هنجيبها لبرة
بس مشكله اهو نبقى مع بعض بردو فى المعتقل
بس والله جااااااااااااااااااااااااااااااامد موت يا انوش

وبعدين احنا فى بلد ديمقراطى
من حقنا نبعبر عن مشعرناااا