احدث موسعة نكت

زرافة و فيل وأسد وفأر وثعلب وارنب ماشيين في الغابة ، وقعوا كلهم في حفرة إلا الزرافة ،قالولها :جيبي لنا حبل. قالتلهم :ما فيش. قالولها :إحنا جعانين عايزين ناكل .قالتلهم: ماعرفش أجيب لكم أكل. قالولها: والعمل؟ قالت لهم: كلوا أضعفكم ..... قام الفأر نط مفزوع وقال لهم : اللي حيقرب من الأسد حيعرف شغله



مرة حرامى دخل على واحد مسطول البيت قالو هات فلوسك و الا هقتل مراتك قام الرجل
قعد يضححححك...الحرامى قتل مراته وقاله هات الفلوس قبل ماقتل ابنك الرجل قعد يضححححك....الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر



عيلين صغيرين ماشيين فالشارع لقوا قطة فالاول قال للتاني أنا هاخد القطة دي أربيها التاني قالوه ماينفعش كدة تجيبلك أمراض اغسلها الأول تاني يوم جه الولد بيعيط و بيقول لصاحبه القطة ماتت و أنت السبب أنت اللي قولتلي اغسلها صاحبه قاله ماتت و أنت بتغسلها قاله لا ماتت و أنا بعصرها



محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام



مساطيل ركبوا أتوبيس بدورين اللي فوق سال اللي تحت انتوا ماشيين بسرعة كام؟ قالوا
80 وانتوا ؟ قاله: إحنا السواق مجاش



واحد بيسأل خطيبته : حد قبلي لمس يدك ؟ سكتت قالها : زعلتي قالت
لا : بأعدهم



مرة اربع صعايدة داخلين امتحان فجلهم سؤال فى الامتحان وهو كام
عدد ارجل المعزة فكلهم سألو صاحبهم حسنين وما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة



كان فى مسابقة بين ثلاثة أشخاص , المسابقة كانت إنهم يعدوا البحر ويطلعوا الجبل و يقتلوا الغوريلا و يتجوزوا الأميرة ... اول واحد غرق فى البحر ، ثانى واحد عدا البحر لكن وقع من فوق الجبل.... أما الثالث (كان غبى شوية) عدا البحر وطلع الجبل وقتل الأميرة ..... و أتجوز الغوريلا



بيقولوا لجحا ... الحق يا جحا تعبان دخل غرفة مراتك ...فقال لهم : سيبوه يستاهل



شباب بيدرسو في امريكا..... مات ابو واحد منهم واحتاروا ازاي يقولو ليه الخبر ده ..... واحد منهم جلف قال : انا هاقله .... راح للشاب الى مات ابوه ..... وقال له : امتى آخر مرة شفت ابوك ؟ قاله : من شهرين ..... قاله الجلف : ابقى قابلني ان شفته مرة ثانية



بلديتنا رايح يتعالج في أمريكا، سأله الطبيب عن الكوي اللي في بطنه: وات إز ذس ؟
قال بلديتنا : ذس إز ... تش ...أح



فى واد كل يوم ينزل للكشك اللى تحت بيتهم ويقوله عندك جبنة يرد عليه البقال أيوة يقوله الواد طب هات حلاوة .... فضل الواد كل يوم يسأل البقال حاجة ويشترى منه حاجة تانية خالص ... فالبقال زهق من الواد فأول ما شاف أبو الواد فكلمه وقاله : الواد ابنك ده ماعندوش ثبات فى كلامه لو جالى تانى وقالى كده انا هاضربة علقه جامدة اوى ... فرد أبو الواد وقاله : أنت عندك عصاية فرد البقال وقاله أيوة عندة ... فرد أبو الواد وقاله : لو شفته تانى أبقى أضربه بالشبشب .....



خمسة صعايدة مسميين نفسهم الفرسان الثلاثة .



زوجه جبانة قوى كل يوم وهيه نايمة جنب جوزها تقولهاالحق يا عبده أنا سامعه
صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت



تلاته عمالين بيحششوا فى مزرعه فراخ طب عليهم البوليس استخبوا فى تلات شوله
جه الظابط شاط الشوال الاول برجله قام الحشاش الاول عمل نفسه بط و قعد يكاكى
راح الظابط سابه و راح عالشوال التانى و شاطه قام الحشاش اللى جوه قعد يدن و يقلد
صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش


منقول من منتدي سيدو


مستني الردود

ههههههههههههههههههههه
شكرا امير الدها
دمت في ود