^_^مرحبا بكم في منتدي elkhateeb60 ^_^
نتمني ان ننول اعجابكم
^_^ ومشاركتكم معنا في المنتدي ^_^



 
الرئيسيةالبوابةالتسجيلدخول



شاطر | 
 

 لو لم اكن مصــري .. لوددت ان اكون صيــني !!

اذهب الى الأسفل 
كاتب الموضوعرسالة
امير الدهاء
المدير
مشرف عام للمنتدي
المدير  مشرف عام للمنتدي
avatar

ذكر
عدد الرسائل : 1124
البرامج : photoshop
الالغاز والالعاب : المحقق الذكي
الافلام : the mask
تاريخ التسجيل : 18/08/2007

مُساهمةموضوع: لو لم اكن مصــري .. لوددت ان اكون صيــني !!   الخميس أكتوبر 15, 2009 7:12 am




بالظبط زى ما قريت كده لو مكنتش مصري.. كنت احب اكون صيني


لالالا مش علشان احجامهم صغيره.. وتنفع فى زحمه مصر ولا عشان كلهم شبه بعض وده فى بلدنا عز الطلب.. اسرق واعمل ابن عمك اقتل وقول انك خالتك .. مش عشان شعب مؤدب وتحسهم ذوق والكلمه ديه بره قاموس المصرين .. ولا عشان لوحد منهم داس على رجلك فى المترو هيقعد يتأسفلك ساعه كأنه أجرم جريمه حرب مع ان لو مصرى كان مسكك رزعك قلم وبهدلك ......
محدش منكم لاحظ ان الصينين فى بلدنا قربوا يبقوا اد ولاد البلد ؟
طيب محدش حس ان الصين غزت مصر ؟ طيب حد فكر هما ليه اختاروا مصر تحديدا عشان يسوقوا فيها منتجاتهم ؟

اهو دا اللى هنتكلم فيه


السوق المصرى ( واخدين بالكم المصرى ) بقى كله صينى كان من كام سنه بدأ بفوانيس رمضان والبطاريات الحجاره ( اللى بتخلص اول ما تركبها ) بعدها انتشر فى لعب الاطفال
( اى نعم كان بلستكها وحش ) بس كانت افكارها مبتكره ولاد العفاريت تحسوا ولدهم بيلعبوا لعب فيها تنميه مهارات واحنا ولدنا ( ملحوسين فى الطين او بيلعبوا بالنحله) ولو ربك كرم العيل منهم بشويه ذكاء هتلاقيه بيلعب ( بالميكانوا) وهيفضل يركب فى الشكل الصح طفولته ومراهقته وشبابه

وولاده يكمله المسيره نظرا لتأخر عقليات الاطفال وتدنى ذكائهم.. نتيجه لعدم الاهتمام




بعدها ظهر الصينى فى الاجهزه.. كانت الاول تليفزيونات ومحدش كان بيشتريها لا دلوقتى بقى كل الاجهزه تقريبا بقت صينى حتى الموبايلات وللامانه الجوده بتاعتها مش بطاله يمكن مش هتعيش كتير بس اهو بتاخد وقتها وتبوظ

والفتره الاخيره لاقينا كل المنتجات المعروضه فى السوق من اجهزه ولبس واكسسوارات عربيات وموبايلات ومكياجات صينى وحاجات مش نتخيل انها صينى انا والله بلاقىأبر مكتوب عليها بلد المنشأ الصين يعنى حتى الابره مش سابوهاده غير طبعا الظاهره الغريبه اللى انتشرت وهيا انك تبقى قاعد فى بتكم فى امانه الله وتلاقى واحده بتخبط عليك ومعاها منتجات صينيه تخص جهاز العرايس بس للامانه بيخبطوا مره واحده وبيعرضوا مره واحده عايز ؟ لا طب شكرا .. مش البياعين بتوعنا يهدوا عليك باب الشقه واباً جزماً تشترى ولو مش اشتريت الواحد منهم عنده القدره يفضل واقف لحد ما تكره عيشتك وتشترى ان شالله ترميها بعد ما ينزل المهم عنده تشترى

**حسيت ان الموضوع ده زاد عن الحد .. البلد نصها ناس صينيه بتبيع والنص التانى المنتجات نفسها واحنا شعب وحكومه بنقلب فى الباضعه وبنشترى لا وبنفاصل


قعدت اسأل نفسى طب ليه ده حاصل ليه هما شايفين بلدنا وشعبنا مستثمر كويس وليه احنا شعب وحكومه فرحانين بده جدا


(( من نظره الصين ))


1 - الصين متحمسه لشتغيل شبابها بدل بطالتهم وبدل ما يمثلوا عليها عبىء
2 - تسويق منتجات زياده عن حاجه بلدهم او فرز تانى
3 - شايفين فينا طبع التضحيه.. بنقتنع بنصف الجوده على حساب سعر اقل
4 - ملاحظين حبنا وولعنا بشراء كل حاجه واى حاجه حتى لو ملهاش لزمه او عندنا منها بدل الوحده 3
5 - شايفين شعب هيفرح بالمنتج باى شكل ومش هيسأل طب ليه احنا بالذات ومش غيرنا من العرب او الغرب


(( من نظره المصرين ))


1- الحكومه بتقول وماله اهو المنتجات الصينى هتلهى الشعب عن متج بلده وبالتالى نصدره بره بسعر اعلى
2 - الحكومه فرحانه اننا بنتلهى برضه فى الصينى وبطلنا نزن فى ودنهم عن تدنى جوده المنتج المصرى او زياده سعره على الفاضى او شكله اللى يقرف
3 - فرصه الشعب الغلبان الهفتان ان المنتج جايله لحد بلده شكلا كويس جوده معقوله وسعر من الاخر لقطه .. لا وايه مافيش فصال زى البياعين المصرين ما شطار فى سرقه الزباين

** لحد هنا وماشى انما ليه المنتج المصرى مش واخد فرصته فى مصر لاهل بلده وامتى هيطلع ويقول انا هنا ولا احنا عاجبنا الشعوب اللى طلعت بعدنا تسبقنا حتى فى ابسط المنتجات زى الابر.


_________________



اللهـّم ان عصيتك جهرا فاغفرلي ..!
و ان عصيتك سرا فاسترني ..!
اللهـّم لا تجعل مصيبتي فى ديني ..!
و لا تجعل الدنيا أكبر همي ..!
اللهـّم لا تجعل ابتلائي فى جسدي و لا فى مالي
.........و لا في اهلي اللهـّم لا تُمكن مني حاسد ..!
و لا تُفرح بسقوطي اعدائي ..!
اللهـّم إغنني بحلالك عن حرامك ..!
و بخشيتك عن عصيانك
اللهم إغننى بفضلك عمن سواكر
الرجوع الى أعلى الصفحة اذهب الى الأسفل
gehad
مشرف قسم

مشرف قسم
avatar

انثى
عدد الرسائل : 576
العمر : 27
الافلام : mission impossible 3 / mortal kombat
تاريخ التسجيل : 21/09/2009

مُساهمةموضوع: رد: لو لم اكن مصــري .. لوددت ان اكون صيــني !!   الجمعة أكتوبر 23, 2009 9:40 pm

والله عندك حق يا امير
بس هتقول لناس سده ودنها
وعمله نفسه عميه
يلا بكره هتعدل
ومسير حد هيطلع ويقول
مصر

_________________
There Is No God But Allah
And
Mohammed Is The Prophet Of Allah

اتحداك لو عرفت تدوس على الرابط ده وتكمل للاخر

http://crazy-eng.com/needs/2minutes.htm

تصفح الكريم في اي وقت حتي و انت علي النت
http://www.quranflash.com/quranflash.html
الرجوع الى أعلى الصفحة اذهب الى الأسفل
عاشقة البحر
عضوة هامة
مشرفة عامة للمنتدي
عضوة هامة   مشرفة عامة للمنتدي
avatar

عدد الرسائل : 194
تاريخ التسجيل : 13/09/2009

مُساهمةموضوع: رد: لو لم اكن مصــري .. لوددت ان اكون صيــني !!   الثلاثاء أكتوبر 27, 2009 8:17 pm

هيطلع فى المشمش
او لما نبقى بجد عندنا دم وانتماء ومصر تفوق من الغيبوبة ال دخلت فيها
بس يارب متكونش مزمنة

_________________
أصعب لحظات التحدى ان تبتسم عندما يتنظر منك الجميع ان تبكى
الرجوع الى أعلى الصفحة اذهب الى الأسفل
 
لو لم اكن مصــري .. لوددت ان اكون صيــني !!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: كلام في كلام :: اتكلم براحتك-
انتقل الى: